《叛逆的女性》抢绢头－杨飞飞演唱

《叛逆的女性》-抢绢头（杨飞飞演唱）
侬勿要一本正经算是个大学生，
我看侬完全是假装腔。
拾仔绢头不肯还拨我，
问长问短问一个勿清爽。
还要叫伲小姐出来当面讲，
我看侬福气还未曾生。
喔唷，一面孔格大学生，
侬算身上着西装，其实侬是一个穷光蛋，
屋里住勒阁楼浪，睏么要睏呒脚床。
鱼肉荤腥吃勿起，吃一只大众咸菜豆板汤。
迪两日穷得来嗒嗒滴，侬呒么铜佃开伙仓。
大概侬中饭勿曾吃，肚里饿脚里有点晃佬晃。
饿得来嘴巴浪厢清水嗒嗒滴，
还要叫伲小姐出来当面讲，
侬明明想存心不良敲竹杠。
等到铜佃骗到手，马上走到饭店里，
叫堂倌，三碗白饭两块咸肉豆腐汤，
一顿夜饭钿在绢头浪厢全着杠。